ចៅក្រមស៊ើបសួរសាលាដំបូងរាជធានីភ្នំពេញ ចេញដីកាបង្គាប់ឱ្យឃុំខ្លួនពិរុទ្ធជនម្នាក់ នៅមណ្ឌលអប់រំកែប្រែទី២(ម២)
14-January-2019 | ដោយ ពលមនសិការ
ភ្នំពេញ៖ លោក អ៊ឹម វណ្ណៈ ចៅក្រមស៊ើបសួរសាលាដំបូងរាជធានីភ្នំពេញ បានចេញដីកាបង្គាប់ឱ្យឃុំខ្លួនពិរុទ្ធជនម្នាក់ នៅមណ្ឌលអប់រំកែប្រែទី២(ម២) កាលពីថ្ងៃទទី១៣ ខែមករា ឆ្នាំ២០១៩។
យោងតាមដីកាដែលសារព័ត៌មានយើងទទួលបាននៅព្រឹកថ្ងៃទី១៤ ខែមករា ឆ្នាំ២០១៩នេះ ពិរុទ្ធជនឈ្មោះ ជួង ចាន់នី ភេទស្រី អាយុ៤៨ឆ្នាំ ជនជាតិខ្មែរ ស្នាក់នៅផ្ទះលេខ១២៦ ផ្លូវលេខ៤៧២ សង្កាត់ទួលទំពូង២ ខណ្ឌចំការមន រាជធានីភ្នំពេញ ពីបទៈ បើកបរដោយធ្វេសប្រហែសបណ្តែតបណ្តោយឱ្យរបួសដល់អ្នកដទៃ តាមបញ្ញត្តិមាត្រា ៨៣ នៃច្បាប់ស្តីពីចរាចរណ៍ផ្លូវគោក។
លោកវរសេនីយ៍ឯក សែម គន្ធា នាយការិយាល័យនគរបាលចរាចរណ៍ផ្លូវគោករាជធានីភ្នំពេញបានឱ្យដឹងថាពិរុទ្ធជនខាងលើកាលពីថ្ងៃព្រហស្បតិ៍០៥ កើត ខែបុស្ស ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ១០ ខែមករា ឆ្នាំ២០១៩ វេលាម៉ោង០៧នឹង៣០នាទី ត្រង់ចំណុចស្តុបចូលវិមានសុភមង្គល ផ្លូវ២១៧ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ បានបង្កគ្រោះថ្នាក់ចរាចរណ៍បណ្តាលឱ្យ មនុស្សរងរបួសធ្ងន់ម្នាក់។ មូលហេតុ៖រថយន្តបត់ស្តាំធ្វេសប្រហែសខ្វះការប្រុងប្រយ័ត្ន ៕
ចំនួនអ្នកទស្សនា
- ថ្ងៃនេះ6861
- ម្សិលមិញ11441
- សប្តាហ៍នេះ36691
- ខែនេះ151841
- ឆ្នាំនេះ151841
- សរុប20594297